,
Covid-19

සක්‍රීය ආසාදිතයින් ගණන 392 දක්වා පහළට, සියයට 79ක් සුවයි

(RIVIRA.LK, 2020 ජුනි 23 පස්වරු 02.15ට)

ශ්‍රී ලංකාවේ දී වාර්තා වූ කොවිඩ්-19 ආසාදිතයින් සංඛ්‍යාව ජුනි 23 අඟහරුවාදා පස්වරු 02.00 වන විට 1,951ක් ලෙස සටහන් වන බව වසංගත රෝග විද්‍යා අංශය පවසනවා. ජුනි 23 දිනය තුළ මෙතෙක් නව ආසාදිතයින් වාර්තා වාර්තා වී නැති අතර ආසාදිතයින් 22 දෙනෙකු සුවය ලබා රෝහල්වලින් පිට වී තිබෙනවා.

ජුනි 19 දිනයෙන් පසුව මෙතෙක් හමුවී ඇත්තේ එක් ආසාදිතයෙක් පමණක් වන අතර ඔහු මාලදිවයිනේ සිට පැමිණි පුද්ගලයෙකි. ඒ අනුව ජුනි 19 දිනයෙන් පසු රට තුළින් කොවිඩ් ආසාදිතයෙකු හමු වී නොතිබීම ද විශේෂත්වයක් වේ. තවත් දින කිහිපයක් තුළ නාවික හමුදා පොකුර ද එලෙස අවසන් වුවහොත් ශ්‍රී ලංකාව කොවිඩ් වෛරසයෙන් තොර කලාපයක් බවට පත්වනු ඇත.

ඒ අනුව, මේ විට නිකුත් කර ඇති වාර්තා අනුව සුවය ලබා ඇති මුළු සංඛ්‍යාව 1,548කි. සමස්ථ ආසාදිතයින් අතුරින් 11 දෙනෙකුට දිවි අහිමි වී තිබෙනවා. සක්‍රීය ආසාදිතයින් ගණන 392ක් බව වසංගත රෝග විද්‍යා අංශය කියා සිටිනවා. වෛද්‍ය අධීක්ෂණය යටතේ සිටින සැක සහිත රෝගීන් ගණන 54ක් බවද සඳහන් වේ.

මේ වන විට සුවය ලබා ඇති ආසාදිතයින්ගේ අනුපාතය 79.3%ක් ලෙසත් මරණ අනුපාතය 0.5%ක් ලෙසත් වාර්තා වේ.

වෛරසය ආසාදිත පිරිස අතර නාවික හමුදා සාමාජිකයින් 901 දෙනෙකු සිටින අතර වෙනත් හමුදා සාමාජිකයින් 14ක් ද සිටිනවා.

මෙතෙක් වාර්තා වූ සමස්ථ ආසාදිතයින් 1,951 වර්ගීකරණය කර ඇත්තේ මෙසේය.

  • විදේශයන් හී සිට පැමිණි විදේශිකයින් – 08
  • විදේශයන් හී සිට පැමිණි ලාංකිකයින් – 692
  • නාවික හමුදා සාමාජිකයින් හා ආශ්‍රිතයින් – 938
  • වෙනත් – 313

ඒ අනුව දැනට සිටින සක්‍රීය ආසාදිතයින් 492 අතුරින්,

  • IDH රෝහල – 43
  • වැලිකන්ද මූලික රෝහල – 71
  • මුල්ලේරියාව මූලික රෝහල – 04
  • ඉරණවිල මූලික රෝහල – 17
  • කාත්තන්කුඩි මූලික රෝහල – 70
  • නාවික හමුදා රෝහල – 00
  • හෝමාගම මූලික රෝහල – 06
  • මිනුවන්ගොඩ මූලික රෝහල – 26
  • හම්බන්තොට දිස්ත්‍රික් මහ රෝහල – 92
  • තෙල්දෙණිය මූලික රෝහල – 59
  • යුද හමුදා රෝහල පනාගොඩ – 04ක් ද ප්‍රතිකාර ලබමින් සිටී.

එමෙන්ම මේ වන විට ශ්‍රී ලංකාව තුළ සිදුකර ඇති සමස්ථ පීසීආර් පරීක්ෂණ සංඛ්‍යාව 97,402ක් වන අතර ජුනි 22 දින පරීක්ෂණ 1,134ක් කළ බව සෞඛ්‍ය ප්‍රවර්ධන කාර්යංශය සඳහන් කරනවා.

https://facebook.com/podujanapavura/
http://rivira.lk/advertising/
Click to comment

Leave a Reply

Your email address will not be published. Required fields are marked *

To Top