,
News

මිය ගිය නාවික හමුදා නිලධාරියා ගැන නිවේදනයක්

වැලිසර නාවික හමුදා කඳවුරට අනුයුක්තව රාජකාරි සිදුකරනු ලැබූ නාවික හමුදා නිලධාරියෙකු, නාවික හමුදා මහ රෝහලේ දී මිය යාම සම්බන්ධයෙන් නාවික හමුදාවෙන් අප්‍රේල් 26 දින විශේෂ නිවේදනයක් නිකුත් කර තිබෙනවා.

එම නිවේදනයෙන් නාවික හමුදාව කියා සිටින්නේ අදාළ නිලධාරියා මියගොස් ඇත්තේ “මී උණ රෝගී තත්වයක්” හේතුවෙන් ප්‍රතිකාර ලබමින් සිටිය දී බවයි. එමෙන්ම එම මරණය කොවිඩ්-19 හේතුවෙන් සිදුවූවක් නොවන බව තහවුරු වී ඇතැයිද එම නිවේදනයේ වැඩිදුරටත් සඳහන්. එම සම්පූර්ණ නිවේදනය පහතින්.

මී උණ රෝගී තත්වයක් හේතුවෙන් කොළඹ නාවික හමුදා මහ රෝහලෙහි දැඩි සත්කාර ඒකකයේ ප්‍රතිකාර ලබමින් සිටි නාවික හමුදා නිලධාරියෙකු අප්‍රේල් 25 වන දින අභාවප්‍රාප්ත විය.

මෙලෙස අභාවප්‍රාප්ත වූයේ නාවික හමුදා මූලස්ථානයට අනුයුක්තව රාජකාරි සිදු කරනු ලැබූ ගලෙන්බිඳුණුවැව ප්‍රදේශයේ පදිංචිකරුවකු වන 35 වියැති ලුතිනන් කොමාන්ඩර් (ස්වේච්ඡා) ඩී.ජී.එස්.බී. දොඩම්වල නම් නිලධාරියා වන අතර, ඔහු 2020 අප්‍රේල් මස 18 වන දින රෝගී තත්වයක්හේ තුවෙන් කොළඹ නාවික මහ රෝහල වෙත ඇතුලත් කර ඇත.

මෙම නිලධාරියා ප්‍රථිකාර ලැබූ කාලය තුළ වෛද්‍යවරුන් විසින් ඔහු පිළිබඳව සිදුකරනු ලද පරීක්‍ෂණවලදී ඔහු මී උණ රෝගී තත්වයෙන් පෙලෙන බව නිගමනය කර ඇත. එමෙන්ම වැලිසර නාවික හමුදා කඳවුර තුළ කොවිඩ් 19 වෛරසය ව්‍යාප්තවීමත් සමඟ සිදු කරන ලද පරීක්‍ෂණවලදී මෙම නාවික හමුදා නිලධාරියා කොවිඩ්-19 වෛරසය ආසාධිත පුද්ගලයෙකු නොවන බවටද තහවුරු කර ගන්නා ලදි. ඒ අනුව මී උණ රෝගී තත්ත්වය සඳහා ප්‍රථිකාර ලබමින් සිටියදී එම රෝගීතත්වය උත්සන්න වීම හේතුවෙන් දැඩිසත්කාර ඒකකයට ඇතුලත්කර සිටියදී මෙම නිලධාරියා 2020 අප්‍රේල් 25 වන දින අභාවප්‍රාප්ත විය.

මෙම මරණය කොවිඩ් 19 වෛරසය හේතුවෙන් සිදුවූවක් නොවන බවට තහවුරු වුවද, වැලිසර නාවික කඳවුරු සංකීර්ණයේ දැනට උද්ගතවී ඇති තත්ත්වය මත කොවිඩ්-19 හේතුවෙන් මියගිය පුද්ගලයෙකුගේ අවසන් කටයුතු සිදුකරනු ලබන ක්‍රියාපටිපාටියට අනුව මෙම නාවික හමුදා නිලධාරියාගේ අවසන් කටයුතු සිදු කිරීමට රාගම අධිකරණ වෛද්‍ය නිලධාරී මගින් නිර්දේශ කරන ලදි. ඒ අනුව එම නිර්දේශයන්ට අනුකූලව දේහය පිළිබඳ අවසන් කටයුතු නාවිකටයුතු නාවික හමුදා ගෞරව සහිතව සිදු කිරීමට නියමිතව ඇත.

Rivira Ads
To Top