,

තවත් ආසාධිතයින් 4ක්, සක්‍රීය අසාධිතයින් ගණන 553ක්, සමස්ථය 755යි

ශ්‍රී ලංකාවේ දී වාර්තා වූ කොවිඩ්-19 ආසාධිතයින් සංඛ්‍යාව මැයි 5 අඟහරුවාදා පෙරවරු 8.30 වන විට 755ක් දක්වා ඉහළ ගොස් ඇති බව වසංගත රෝග විද්‍යා අංශය පවසනවා. මැයි 5 දිනය තුළ මෙතෙක් නව ආසාධිතයින් 4ක් වාර්තා වී ඇති වී තිබෙනවා.

මැයි 4 දිනය තුළ නව ආසාධිතයින් 33ක් වාර්තා වී ඇති අතර ඉන් 31 දෙනෙකුම නාවික හමුදා සාමාජිකයින් බව සෞඛ්‍ය සේවා අධ්‍යක්ෂ ජනරාල්වරයා කියා සිටියා. එසේම අනෙක් දෙදෙනා වයස අවුරුදු 13 ක දරුවෙක් සහ 70 ක කාන්තාවක් බවත් ඔවුන් නාවික හමුදා සාමාජිකයින් ළඟින් ඇසුරු කළ අය බවත් සෞඛ්‍ය අධ්‍යක්ෂක ජනරාල්වරයා අනාවරණය කළා. මැයි 4 දිනය තුළ ආසාධිතයින් 10ක් සුවය ලබා රෝහල්වලින් පිට වී තිබෙනවා. දිනය තුළ වෛරසය හේතුවෙන් 8 වැනි මරණයත් සිදුවූ අතර 72 හැවිරිදි පොල්පිතිගම පදිංචි අදාළ කාන්තාව වකුගුඩු රෝගයකින්ද පීඩා වින්ද බව සඳහන්. මෙම මරණය වාර්තා වුනේ අප්‍රේල් 8 වැනි දින 7 වැනි මරණය වාර්තා වී දින 27කට පසුවයි.

ඒ අනුව මැයි 5 පෙරවරු 9 වන විට නිකුත් කර ඇති වාර්තා අනුව සුවය ලබා ඇති මුළු සංඛ්‍යාව 194කි. සමස්ථ ආසාධිතයින් අතුරින් 8 දෙනෙකුට දිවි අහිමි වී තිබෙනවා. සක්‍රීය ආසාධිතයින් ගණන 553ක් බව සෞඛ්‍ය ප්‍රවර්ධන කාර්යංශය කියා සිටිනවා. වෛද්‍ය අධීක්ෂණය යටතේ සිටින සැක සහිත රෝගීන් ගණන 137ක් බවද සඳහන් වේ.

Rivira Ads