(RIVIRA.LK, 2020 මැයි 16 පෙරවරු 09.12ට)
ශ්‍රී ලංකාවේ දී වාර්තා වූ කොවිඩ්-19 ආසාධිතයින් සංඛ්‍යාව මැයි 15 සිකුරාදා පස්වරු 11.30 වන විට 935ක් දක්වා ඉහළ ගොස් ඇති බව වසංගත රෝග විද්‍යා අංශය පවසනවා. ඒ අනුව මැයි 14 දිනය තුළ නව ආසාධිතයින් 10ක් වාර්තා වී ඇති අතර ආසාධිතයින් 32ක් සුවය ලබා රෝහල්වලින් පිට වී තිබෙනවා.
අදාළ ආසාධිතයින් 10 දෙනාගෙන් 9 දෙනෙකු නාවික හමුදා සාමාජිකයින් වන අතර අනෙක් පුද්ගලයා නාවික හමුදා සාමාජිකයෙකු ළඟන් ඇසුරු කළ අයෙකු බව යුධ හමුදාපති ලුතිනන් ජෙනරාල් ශවේන්ද්‍ර සිල්වා පවසනවා.
ඒ අනුව මැයි 16 පෙරවරු 9 වන විට නිකුත් කර ඇති වාර්තා අනුව සුවය ලබා ඇති මුළු සංඛ්‍යාව 477කි. සමස්ථ ආසාධිතයින් අතුරින් 9 දෙනෙකුට දිවි අහිමි වී තිබෙනවා. සක්‍රීය ආසාදිතයින් ගණන 449ක් බව වසංගත රෝග විද්‍යා අංශය කියා සිටිනවා. වෛද්‍ය අධීක්ෂණය යටතේ සිටින සැක සහිත රෝගීන් ගණන 112ක් බවද සඳහන් වේ.
- මැයි 15 දෛනික වාර්තාව – පළමු වරට සුවය ලැබූවන් සියයට පනහ ඉක්මවයි
