,
Politics

රිෂාඩ් හමුවීම ගැන චමල්ගෙන් ඡන්දදායකයින්ට පැහැදිලි කිරීමක්

(RIVIRA.LK, 2020 ඔක්තෝම්බර් 02 පස්වරු 09.14ට)

වව්නියාවේ පැවති රැස්වීමක දී හිටපු අමාත්‍ය, පාර්ලිමේන්තු මන්ත්‍රී රිෂාඩ් බදුර්දීන් හමුවීම සම්බන්ධයෙන් අමාත්‍ය චමල් රාජපක්ෂ සිය ෆේස්බුක් පිටුවේ සටහනක් තබමින් පැහැදිලි කිරීමක් සිදුකර තිබෙනවා.

ඔක්තෝම්බර් 02 දින අදාළ සටහන තබමින් චමල් රාජපක්ෂ පවසන්නේ එම හමුව ආණ්ඩුවට හෝ 20 වන සංශෝධනය සඳහා සහය ලබා ගැනීමේ අරමුණින් සිදු වූවක් නොවන බවයි.

එම උත්සවයට දිස්ත්‍රික්කයේ පාර්ලිමේන්තු මන්ත්‍රීවරයෙකු ලෙස රිෂාඩ් බදුර්දීන් සහභාගී වූ බව ද අමාත්‍යවරයා කියා සිටිනවා.

එම සටහන පහතින්.

“මා රාජ්‍ය අමාත්‍ය ධූරය දරන අභ්‍යන්තර ආරක්ෂක, ස්වදේශ කටයුතු හා ආපදා කලමනාකරණ අමාත්‍යාංශයේ පරිපාලනයට අදාළ රාජ්‍ය හා මහජන ගැටළු පිළිබඳව උතුරු හා නැගෙනහිර පළාත් වල ආණ්ඩුකාරවරුන්, දිස්ත්‍රික් ලේකම්වරුන් සහ ප්‍රාදේශීය ලේකම්වරුන් මෙන්ම මහජන නියෝජිතයන් ද සමග වව්නියාව දිස්ත්‍රික් ලේකම් කාර්යාලයේ ඊයේ (01) දින පැවති සාකච්ඡාව අතරතුර දිස්ත්‍රික් ලේකම් කාර්යාලයේ අලුතින් ඉදිකළ ශ්‍රවණාගාරය විවෘත කිරීම ද සිදුවුණි.

ඊට එක් වූ හිටපු අමාත්‍ය සහ දිස්ත්‍රික්කයේ පාර්ලිමේන්තු මන්ත්‍රිවරයෙක් වන රිෂාඩ් බදූර්දීන් මහතාගේ සහභාගිත්වය පිළිබඳව සමාජ මාධ්‍ය තුළ යම් කතාබහක් නිර්මාණය වී ඇත.

විපක්ෂය නියෝජනය කරන ප්‍රදේශයේ මන්ත්‍රිවරයා ලෙස එම අවස්ථාවට සහභාගී වුවද එය ආණ්ඩු පක්ෂය සමග එකතු වීමකට හෝ ආණ්ඩුක්‍රම ව්‍යවස්ථාවේ ඉදිරි සංශෝධනයන් සඳහා එම පක්ෂයේ සහාය ලබා ගැනීමකට පියවරක් නොවන බව අප රජය කෙරෙහි විශ්වාසය තබා ඡන්දය ලබා දුන් මහජනතාව වෙත දැනුම් දෙනු කැමැත්තෙමි.”

20 වන සංශෝධනයට බදුර්දීන් සහය දෙයි ද?

Rivira Ads
Click to comment

Leave a Reply

Your email address will not be published. Required fields are marked *

To Top