(RIVIRA.LK, 2020 ඔක්තෝම්බර් 15 පස්වරු 01.30ට)
කීර්තිමත් ක්‍රිකට් ක්‍රීඩකයෙකු හා ‘මිනිස්ට්‍රි ඔෆ් ක්‍රැබ්ස්’ නම් කකුළු අවන්හලේ හිමිකරුවෙකු වන කුමාර් සංගක්කාරගේ දරුවන් දෙදෙනා විසින් අන්තර්ජාල පෙත්සම් ද්විත්වයක් ඉදිරිපත් කර තිබෙනවා.
සංගක්කාරගේ දියණිය වන ස්වෛරී විසින් පෙරහැරේ යන සහ පිටේ යාම සඳහා භාවිතා කරන අලි ඇතුන් අත් විඳින කුරුරි තත්වයන් සම්බන්ධයෙන් සිය පෙත්සම ඉදිරිපත් කර ඇති අතර පුත් කවිත් විසින් වානිජ අරමුණින් සිදුකරන සුනඛයින් බෝ කිරීමට එරෙහිව සිය පෙත්සම ඉදිරිපත් කර ඇත.
කෙසේ වෙතත්, අදාළ පෙත්සම් විවේචනය කරමින් ද සමාජ ජාල තුළ අදහස් දක්වා තිබෙන අයුරු නිරීක්ෂණය වේ.
ස්වෛරී සංගක්කාරගේ පෙත්සම
සංගක්කාරගේ දියණිය වන ස්වෛරී විසින් ඉදිරිපත් කර ඇති පෙත්සම මගින් ඇය කියා සිටින්නේ ශ්‍රී ලංකාවේ අලි ඇතුන්ට සිදුවන කුරිරුකම් නැවැත්වීම කටයුතු කළ යුතු බවයි.
මෙම මාර්ගගත (online) පෙත්සම වනජීවී හා වන සංරක්ෂණ අමාත්‍ය සී. බී. රත්නායක වෙත යොමු කර ඇති අතර ඊට අත්සන් කරමින් සහය පළ කරන ලෙස ඊට සහය දැක්වීමට කැමති පිරිස් වෙතින් ඇය ඉල්ලා සිටිනවා.
ඇයගේ පෙත්සමේ සරල පරිවර්තනය පහතින්.
මා මෙම පෙත්සම යොමු කිරීම හේතුව වූයේ කලාපය පුරා සිටින අලින් රාශියකට කුරිරු ලෙස සැලකීමයි. පෙරහැරේ ගෙන යාමට සහ මිනිසුන්ට ගමනක් ලබා දීමට පුහුණු කිරීම සඳහා පැටවුන් තම මව්වරුන්ගෙන් වෙනකරගෙන යනු ලැබේ. පුහුණුකරුවන් හෝ ඇත්ගොව්වන් විසින් කස, විදුලි කම්පන සහ හෙන්ඩුවක් භාවිතා කරති. එය දිගු පොල්ල අවසානයේ වක්‍ර පිහියකින් සමන්විත වන අතර අලි ඇතුන්ගේ කන් පිටුපසට භාවිතා කරයි. සමහර අලි පැටවුන්ට මෙම ආරම්භක ක්‍රියාවලිය දරාගත නොහැක.
බොහෝ ඇත්ගොව්වන් අලින්ගේ වළලුකර වටා බැඳ ඇති කරකැවෙන වළල්ලක් ද භාවිතා කරයි. මෙය අතිශයින් වේදනාකාරී විය හැකි අතර තුවාල හා ආසාදන සිදුවී මරණයට හේතු විය හැක. මෙම අලි ඇතුන්ට විශාල පාෂාණ, කොටන් සහ වෙනත් බර ද්‍රව්‍ය ඇදගෙන යාමට පොළඹවන අතර එමගින් ඔවුන්ට කීකරු වීමට බල කෙරේ.
මෙම අහිංසක අලි ඇතුන් ඇතැම් විට කොන් වල ගැට ගසා ඔවුන්ට පහර දෙනු ලැබේ. එමගින් ඔවුන් ඇත්ගොව්වන්ට බිය වීමට හුරු වෙයි. ඇතැම් විට ඔවුන් කොන්ක්‍රීට් මත දම්වැල්වලින් ගැටගසා විශාල බරක් ඇදගෙන යාමට සළස්වයි. මේ සියල්ල සිදුකරන්නේ අපගේ ආත්මාර්ථකාමී විනෝදය සඳහා ය. අලි යනු අප හා සමාන වේදනාවක් දැනිය හැකි චිත්තවේගීය හා සංවේදී ජීවීන් බව මතක තබා ගත යුතු ය.
ශ්‍රී ලංකාවේ අලි ඇතුන්ට එරෙහි හිංසාව තරමක් සංකීර්ණ සංවාදයක් බවට පත්ව ඇති අතර එය සරල ලෙස තබා ගැනීමටත් අලි ඇතුන්ට එරෙහි කුරිරුකම් නැවැත්විය හැකි බවටත් ඔබ එකඟ නම් කරුණාකර මගේ පෙත්සමට අත්සන් කරන්න.
– ස්වෛරී සංගක්කාර
කවිත් සංගක්කාරගේ පෙත්සම
සංගකරාගේ පුත් කවිත් සිය පෙත්සම මගින් කියා සිටින්නේ ශ්‍රී ලංකාවේ වාණිජ සුනඛ අභිජනනය තහනම් කිරීම පියවර ගත යුතු බවයි.
ජනාධිපති ගෝඨාභය රාජපක්ෂ වෙත යොමු කර ඇති අදාළ පෙත්සම මගින් ඔහු ඉල්ලා සිටින්නේ සුනඛයින්ට සිදුවන කුරිරුකම් නැවතීමටත් ලොව පුරා සිටින සුනඛයන්ට වඩා හොඳ, සෞඛ්‍ය සම්පන්න සහ ප්‍රීතිමත් ජීවිතයක් ගත කිරීමට උදව් කිරීමටත් සහය පළ කිරීමට කැමති පිරිස් වෙත් නම් සිය පෙත්සමට අත්සන් කොට සහය පළ කරන ලෙසයි.
ඔහුගේ පෙත්සමේ සරල පරිවර්තනය පහතින්.
හුරුබුහුටි බලු පැටියෙකුට මිතුරෙකු ලෙස ආදරය කිරීමට ලැබීම සතුටක් නොවේද? නමුත් ඔබ දන්නවාද සමහර අභිජනනය කරන්නන් බල්ලන්ට කරන්නේ කුමක්ද කියා. අභිජනනය කරන්නන් බලු පැටවුන් විකිණීමෙන් මුදල් ලබා ගැනීම සඳහා නැවත නැවතත් ගැහැණු සුනඛයන් බෝ කරති. මව් බල්ලන්ට තවත් බලු පැටවුන් ලබා දීමට නොහැකි වූ විට ඔවුන් එම බල්ලන්ව වීදිවලට විසි කරයි.
දැන් බොහෝ විට අභිජනනය කරන්නන් බොහෝ ගණනක් ඇත. එයින් අදහස් කරන්නේ දුක් විඳින තවත් සුනඛයන් මිලියන ගණනක් එහි සිටින බවයි. සුරතලින් ලෙස හදා නොගන්නේ නම් එම සුනඛයන් මිලියනය ගණනක් මිය යයි.
සුනඛයන් අපිරිසිදු කුඩා කූඩුවල තබා ඇති අතර ඒවායේ ඇතුළත ඔවුන්ට ජීවත් වීමට තරම් විශාල නොවේ. සමහර අභිජනනය කරන්නන් සුනඛයින්ගේ සෞඛ්‍යය පිළිබඳ අවධානය යොමු නොකිරීමෙන් අඩුපාඩු ඇති සුනඛයින් විකිණීම සිදු කරයි. එමගින් වැඩි වශයෙන් පශු වෛද්‍යවරුන් වෙත යාමට සිදුවීමත්, ඔවුන් හොඳ සෞඛ්‍ය තත්වයක තබා ගැනීම සඳහා වැඩි මුදලක් වැය කිරීමටත් සිදුවනු ඇත. එවිට (සමහර අවස්ථාවල) අයිතිකරුවන් එම බල්ලන්ව අතහැරීමට යොමුවනු ඇත. බලු පැටවුන්ට බෝ විය හැකි රෝග සහිත බල්ලන් ඉවත් කිරීමට ද අභිජනනය කරන්නන් කටයුතු කරයි.
සුනඛ සෞඛ්‍යය ගැන කථා කිරීමේ දී සමහර අභිජනනය කරන්නන් සුනඛයා ඉතා දුර්වල තත්ත්වයේ තබා ගත හැකිය. අභිජනනය කරන්නන් සුනඛයින්ගේ වලිගය හා කණෙන් යම් කොටසක් කපා දමනු ඇත. කන් ටේප් කර ඒවා උල් හැඩයකට සකස් කරයි. සුනඛයින්ගේ වලිගය කපා හැරීම සඳහා ඔවුන් රබර් මෙවලමක් භාවිතයෙන් එම ප්‍රදේශයට රුධිර සංසරණය නවතා දැමීම වැනි ඉතා කුරිරු ක්‍රමයක් භාවිතා කළ හැකි අතර එය වලිගය වැටෙන තෙක් දින කිහිපයක් පවතී.
මේ ආකාරයේ කුරිරුකම් තවදුරටත් පැවතිය යුතු නැත! මගේ පෙත්සමට අත්සන් කිරීමෙන්, ඔබට ලොව පුරා සිටින සුනඛයන්ට වඩා හොඳ, සෞඛ්‍ය සම්පන්න සහ ප්‍රීතිමත් ජීවිතයක් ගත කිරීමට උදව් කළ හැකිය. එක් අත්සනක් මඟින් මෙහි ඉලක්කයට එක් පියවරක් සමීප කළ හැකි බව මතක තබා ගන්න. එක් පුද්ගලයෙකුට ලෝකය වෙනස් කළ හැකිය.
– කවිත් සංගක්කාර
කෙසේ වෙතත් මේ සම්බන්ධයෙන් සමාජ ජාලා ඔස්සේ ප්‍රතිචාර දක්වමින් ඇතැමුන් පවසා තිබුණේ, “පණ පිටින් කකුළුවන් උණු වතුරට දමා කෑම හදන ආයතනයක හිමිකරුවෙකුගේ දරුවන්” විසින් මෙවැනි පෙත්සම් ඉදිරිපත් කිරීම හාස්‍යජනක බවයි.
