(RIVIRA.LK, 2020 ඔක්තෝම්බර් 19 පස්වරු 01.55ට – යාවත්කාලීන කිරීම පස්වරු 10.00ට)
ශ්‍රී ලංකාවේ දී වාර්තා වූ කොවිඩ්-19 ආසාදිතයින් සංඛ්‍යාව ඔක්තෝම්බර් 19 වන සඳුදා පස්වරු 09.45 වනවිට 5,625ක් දක්වා ඉහළ ගොස් තිබෙනවා. ඒ තවත් ආසාදිතයින් 40 දෙනෙකු හඳුනාගැනීමත් සමගයි. දිනය තුළ ආසාදිතයින් 37 දෙනෙකු සුවය ලබා රෝහල්වලින් පිටත් වී තිබෙනවා.
ඒ අනුව, දිනය තුළ නව ආසාදිතයින් 87 දෙනෙකු හඳුනා ගෙන ඇති අතර ඒ සියලු දෙනාම මිනුවන්ගොඩ බ්‍රැන්ඩික්ස් පොකුරට අදාළව හඳුනාගෙන ඇති බව යුද හමුදාපතිවරයා සඳහන් කළා. ඒ අතරින් 23 දෙනෙකු නිරෝධායන මධ්‍යස්ථාවලින් වාර්තා වී ඇති අතර 64 දෙනෙකුම ආශ්‍රිතයින් වන අතර ඔවුන් වාර්තා වී ඇත්තේ නිරෝධායන මධ්‍යස්ථානවලට පිටින්.
එම පොකුරට අදාළව මෙතෙක් වාර්තා වූ ආසාදිතයින් මෙසේ ය.
බ්‍රැන්ඩික්ස් කොරෝනා පොකුර ඔක්. 19 – 87 (පස්වරු 01.30ට වාර්තා කළ ආසාදිතයින් 47, පස්වරු 07.30ට වාර්තා කළ ආසාදිතයින් 40)බ්‍රැන්ඩික්ස් කොරෝනා පොකුර ඔක්. 18 – 61බ්‍රැන්ඩික්ස් කොරෝනා පොකුර ඔක්. 17 – 115බ්‍රැන්ඩික්ස් කොරෝනා පොකුර ඔක්. 16 – 110බ්‍රැන්ඩික්ස් කොරෝනා පොකුර ඔක්. 15 – 68බ්‍රැන්ඩික්ස් කොරෝනා පොකුර ඔක්. 14 – 130බ්‍රැන්ඩික්ස් කොරෝනා පොකුර ඔක්. 13 – 194බ්‍රැන්ඩික්ස් කොරෝනා පොකුර ඔක්. 12 – 90බ්‍රැන්ඩික්ස් කොරෝනා පොකුර ඔක්. 11 – 121බ්‍රැන්ඩික්ස් කොරෝනා පොකුර ඔක්. 10 – 103බ්‍රැන්ඩික්ස් කොරෝනා පොකුර ඔක්. 09 – 30බ්‍රැන්ඩික්ස් කොරෝනා පොකුර ඔක්. 08 – 10බ්‍රැන්ඩික්ස් කොරෝනා පොකුර ඔක්. 07 – 202බ්‍රැන්ඩික්ස් කොරෝනා පොකුර ඔක්. 06 – 729බ්‍රැන්ඩික්ස් කොරෝනා පොකුර ඔක්. 05 - 101දිවුලපිටිය කාන්තාවගේ දියණිය ඔක්. 04 - 01දිවුලපිටිය කාන්තාව ඔක්. 03 - 01
ඒ අනුව Brandix කොරෝනා පොකුරේ සමස්ත ආසාදිතයින් ගණන 2,162 දක්වා ඉහළ ගොස් තිබෙනවා. එය මෙරටින් වාර්තා වූ සමස්ත ආසාදිතයින් ප්‍රමාණයෙන් 38% ඉක්මවූ ප්‍රමාණයකි.
ඒ අනුව, මේ වනවිට නිකුත් කර ඇති වාර්තා අනුව සුවය ලබා ඇති මුළු සංඛ්‍යාව 3,440කි. සමස්ත ආසාදිතයින් අතුරින් 13 දෙනෙකුට දිවි අහිමි වී තිබෙනවා. සක්‍රීය ආසාදිතයින් ගණන 2,172ක් දක්වා ඉහළ ගොස් තිබෙනවා. වෛද්‍ය අධීක්ෂණය යටතේ සිටින සැක සහිත රෝගීන් ගණන 297ක් බව ද සඳහන් වේ.
