(RIVIRA.LK, 2020 ඔක්තෝම්බර් 23 පස්වරු 04.46ට)
ශ්‍රී ලංකාවේ දී වාර්තා වූ කොවිඩ්-19 ආසාදිතයින් සංඛ්‍යාව ඔක්තෝම්බර් 23 වන සිකුරාදා පස්වරු 04.30 වනවිට 6,287ක් ලෙස සටහන් වන බව වසංගත රෝග විද්‍යා අංශය පවසනවා. දිනය තුළ මෙතෙක් නව ආසාදිතයින් වාර්තා වී නැති අතර ආසාදිතයින් 83 දෙනෙකු සුවය ලබා රෝහල්වලින් පිට වී තිබෙනවා.
ඒ අනුව, මේ වනවිට නිකුත් කර ඇති වාර්තා අනුව සුවය ලබා ඇති මුළු සංඛ්‍යාව 3,644කි. සමස්ත ආසාදිතයින් අතුරින් 14 දෙනෙකුට දිවි අහිමි වී තිබෙනවා. සක්‍රීය ආසාදිතයින් ගණන 2,629ක් බව වසංගත රෝග විද්‍යා අංශය කියා සිටිනවා. වෛද්‍ය අධීක්ෂණය යටතේ සිටින සැක සහිත රෝගීන් ගණන 426ක් බවද සඳහන් වේ.
මේ වන විට සුවය ලබා ඇති ආසාදිතයින්ගේ අනුපාතය 57.9%ක් ලෙසත් මරණ අනුපාතය 0.22%ක් ලෙසත් වාර්තා වේ.
දිනය තුළ සුවය ලබා රෝහල්වලින් පිට වූ 83 දෙනා පහත රෝහල්වල ප්‍රතිකාර ගෙන සුවය ලබා රෝහල්වලින් පිටවී ඇත.
IDH රෝහල – 08වැලිකන්ද මූලික රෝහල – 01ඉරණවිල මූලික රෝහල – 07මිනුවන්ගොඩ මූලික රෝහල – 40මුල්ලේරියාව මූලික රෝහල – 01හම්බන්තොට මහ රෝහල – 03රඹුක්කන ප්‍රාදේශීය රෝහල – 01කඹුරුගමුව රෝහල – 11කාත්තන්කුඩි රෝහල – 04තෙල්දෙණිය මූලික රෝහල – 05ලග්ගල පල්ලේගම රෝහල - 02
මේ වන විට, වාර්තා වූ සමස්ත ආසාදිතයින් 6,287 වර්ගීකරණය කර ඇත්තේ මෙසේය.
බ්‍රැන්ඩික්ස් කොරෝනා පොකුර – 2,817විදේශයන් හී සිට පැමිණි ලාංකිකයින් – 1,462විදේශයන් හී සිට පැමිණි විදේශිකයින් – 95කන්දකාඩු කොරෝනා පොකුර – 651 (දැනට අක්‍රීයයි)නාවික හමුදා සාමාජිකයින් හා ආශ්‍රිතයින් – 950 (දැනට අක්‍රීයයි)වෙනත් – 313 (දැනට අක්‍රීයයි)
එමෙන්ම, මේ වන විට ශ්‍රී ලංකාව තුළ සිදුකර ඇති සමස්ත පීසීආර් පරීක්ෂණ සංඛ්‍යාව 423,332ක් වන අතර ඔක්තෝම්බර් 22 දින පරීක්ෂණ 8,089ක් කළ බව සෞඛ්‍ය ප්‍රවර්ධන කාර්යංශය සඳහන් කරනවා. ඒ අනුව මෙරට ජනගහණය මිලියනයකට සිදුකර ඇති පරීක්ෂණ ගණන 19,781 ඉක්මවා තිබෙනවා.
කොරෝනා ආසාදිත රෝගීන් සඳහා ප්‍රතිකාර කරනු ලබන රෝහල් ගණන 26 දක්වා තවත් රෝහල් 03කින් ඉහළ දමා තිබෙනවා. ඒ අනුව, IDH රෝහල, වැලිකන්ද මූලික රෝහල, ඉරණවිල මූලික රෝහල, මිනුවන්ගොඩ මූලික රෝහල, මුල්ලේරියාව මූලික රෝහල, හම්බන්තොට මහ රෝහල, රඹුක්කන ප්‍රාදේශීය රෝහල, කඹුරුගමුව රෝහල, කාත්තන්කුඩි රෝහල, නෙවිල් ප්‍රනාන්දු රෝහල, තෙල්දෙණිය මූලික රෝහල, හෝමාගම මූලික රෝහල, ලග්ගල පල්ලේගම රෝහල, ගල්ගමුව මූලික රෝහල, අඹන්පොල ප්‍රාදේශීය රෝහල, ලුනාව ප්‍රාදේශීය රෝහල, ඉංගිරිය ප්‍රාදේශීය රෝහල, කොස්ගම ප්‍රාදේශීය රෝහල, දංකොටුව ප්‍රාදේශීය රෝහල, දිවුලපිටිය ප්‍රාදේශීය රෝහල, මරුත්තන්කර්නි ප්‍රාදේශීය රෝහල, දොම්පෙ ප්‍රාදේශීය රෝහල, පිඹුර ප්‍රාදේශීය රෝහල, කරදියනාරු ප්‍රාදේශීය රෝහල, රදාවාන ප්‍රාදේශීය රෝහල හා ඉච්චිලම්පත්තු රෝහල යන රෝහල් ඒ සඳහා භාවිතා කරනු ලබනවා.
