Covid-19

මහනුවර රෝහලේ කාර්යමණ්ඩලයේ තවත් 16කට කොරෝනා

(RIVIRA.LK, 2020 නොවැම්බර් 28 පස්වරු 06.14ට)

මහනුවර රෝහලේ සෞඛ්‍ය කාර්යමණ්ඩලයේ තවත් සේවකයින් 16 දෙනෙකුට කොවිඩ් – 19 වෛරසය ආසාදනය වී ඇති බව රෝහල් අධ්‍යක්ෂක වෛද්‍ය ඉරේෂා ප්‍රනාන්දු සඳහන් කරයි. රෝහල් අධ්‍යක්ෂවරිය සඳහන් කළේ, වෛද්‍යවරයෙකු සහ හෙද කාර්යමණ්ඩලයේ 07 දෙනෙකු ද ඒ අතර වන බවයි.

මීට පෙර මහනුරව මහ රෝහලේ උගුර කණ නාසය ප්‍රතිකාර ඒකකයේ හෙදියන් දෙදෙනෙකුට කොවිඩ් – 19 වෛරසය ආසාදනය වී ඇති බවට හඳුනාගැනීමත් සමග එම ඒකකයේ සිදුකළ PCR පරීක්ෂණවලදී මෙලෙස තවත් 16 දෙනෙකුට වෛරසය ආසාදනය වී ඇති බවට හඳුනාගෙන තිබෙනවා.

ඒ අනුව, පවතින තත්ත්වය සැලකිල්ලට ගනිමින් රෝහලේ උගුර කණ නාසය සායනය වසා දැමීමට සහ එම ප්‍රතිකාර ඒකකයට රෝගින් ඇතුළත් කරගැනීම තාවකාලිකව නතර කිරීමට තීරණය කර ඇත

Rivira FB Group Rivira Youtube
Rivira Ads
To Top