News

බීමත් පුද්ගලයෙක් ගිලන් රථයකට පහරදෙයි

ගම්පහ රෝහලට අයත් ගිලන් රථයක් ජුනි 28 වන දින පස්වරුවේදී ගම්පහ නගරයේ ධාවනය වෙමින් තිබිය දී ගිලන් රථයට හා එහි රියදුරුට පහරදීමක් සිදුව ඇති බව පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති, අජිත් රෝහණ මහතා පවසයි.

අදාළ පහරදීම සිදු කරන ලද පුද්ගලයා එම අවස්ථාවේ දී බීමතින් සිට ඇති බව විමර්ශනවලදී අනාවරණය වූ බව ද පොලිස් මාධ්‍ය ප්‍රකාශකවරයා සඳහන් කරයි. කඩවත, පහළදියන්වල පදිංචි 65 හැවිරිදි අදාළ සැකකරු අත්අඩංගුවට ගෙන ඇති අතර ජුනි 29 වන දින අධිකරණය‌ වෙත ඉදිරිපත් කිරීමට නියමිතයි.

පොදු දේපළ පනත යටතේ සහ බීමතින් සිදු කළ වැරදි වලට සහ රියදුරාට පහරදීම සම්බන්ධයෙන් ඔහුට එරෙහිව නඩු පැවරීමට නියමිත බව පොලිස් මාධ්‍ය ප්‍රකාශකවරයා වැඩිදුරටත් පවසයි.

Rivira FB Group Rivira Youtube
Rivira Ads
To Top