News

15 හැවිරිදි දැරිය අන්තර්ජාලය හරහා අලෙවි කළ සිද්ධියේ විශේෂඥ වෛද්‍යවරයා ඇතුළු 4කට ඇප

අන්තර්ජාලය හරහා අලෙවි කළ 15 හැවිරිදි දැරිය අපයෝජනය කිරීමේ සිද්ධියට අදාළව සැකපිට අත්අඩංගුවට ගෙන බන්ධනාගාරගතව සිටි මිහින්තලේ ප්‍රාදේශීය සභාවේ උප සභාපතිවරයා, හෘද රෝග පිළිබඳ විශේෂඥ වෛද්‍යවරයා, හා තවත් මැණික් ව්‍යාපාරිකයින් දෙදෙනෙකු කොන්දේසි සහිතව ඇප මත මුදා හරින ලෙස කොළඹ අතිරේක මහේස්ත්‍රාත් රෝෂණි අබේවික්‍රම මහත්මිය ජුලි 09 වැනි දින නියෝග කර තිබෙනවා.

සැකකරුවන්ගේ නීතිඥවරු විසින් කරන ලද ඉල්ලීම් සලකා බැලූ කොළඹ අතිරේක මහෙස්ත්‍රාත් ලෝචනී අබේවික්‍රම මහත්මිය පරීක්ෂණ කටයුතු අවසන් වී ඇති හෙයින් සැකකරුවන් තවදුරටත් රිමාන්ඩ් බාරයේ තබා ගැනීම යුක්ති සහගත නොවන බව පැවසූවාය.

ඒ අනුව, එක් අයෙකුට රුපියල් 25,000 මුදල් ඇප සහ ලක්ෂ 25 බැගින් වූ ශරීර ඇප දෙකක මත මුදා හැරි සැකකරුවන් සෑම මසකම අවසන් ඉරු දින පෙ.ව. 9.00 – 12.00 අතර කාලයේ දී කාන්තා හා ළමා කාර්යාංශයේ පෙනී සිටිය යුතු බවට ද අධිකරණය නියම කළේ ය.

එම සැකකරුවන්ට අදාළ නඩුව නැවත අගෝස්තු මස 19 කැඳවන බව ද අධිකරණය නියම කළේය.

සම්බන්ධිත පුවත්

Rivira FB Group Rivira Youtube
Rivira Ads
Click to comment

Leave a Reply

Your email address will not be published. Required fields are marked *

Rivira.lk අන්තර්ජාල පුවත්පත.

විමසීම් සහ පුවත් යොමු කිරීම් - rivira@rivira.lk

Copyright © 2019 Rivira.lk

To Top