ඉන්දියාවේ ඔඩිෂා ප්‍රාන්තයේ බලසෝර් ප්‍රදේශයේදී සිකුරාදා (ජුනි 02) සවස 7 ට පමණ සිදු වූ බිහිසුණු දුම්රිය පීලි පැනීමකින් පුද්ගලයන් මේ වනවිට 290 කට වැඩි පිරිසක් මිය ගොස් 900 කට වැඩි පිරිසක් තුවාල ලබා ඇත.
ෂාලිමාර් – චෙන්නායි කොරොමැන්ඩල් සීඝ්‍රගාමී දුම්රියේ දුම්රිය මැදිරි 10 ත් 12 ත් අතර ප්‍රමාණයක් පීලි පැනීම හේතුවෙන් ප්‍රතිවිරුද්ධ දුම්රිය මාර්ගයට වැටී ඇති අතර ඉන් පසුව, බෙංගාලෝර්-හවුරා සුපර්ෆාස්ට් එක්ස්ප්‍රස් පීලි පැනීමට ලක්වූ දුම්රියවල ගැටීමෙන් එහි දුම්රිය මැදිරි තුනක් හෝ හතරක් පීලි පැනීමට ලක් විය. ඉන් අනතුරුව භාණ්ඩ ප්‍රවාහන දුම්රියක් ද අනතුරට එම දුම්රියවල ගැටී අනතුර තවත් භයානක තත්වයකට පත් කර තිබේ.
දුම්රිය පීලි පැනීම සම්බන්ධයෙන් ඉහළ මට්ටමේ පරීක්ෂණයක් පැවැත්වීමට තමන් නියෝග කර ඇති බව දුම්රිය අමාත්‍ය අශ්විනි වෛෂ්නාව් සෙනසුරාදා නිවේදනය කළේය. මියගිය අයගේ ඥාතීන්ට රුපියල් ලක්ෂ 10 ක්, රු. බරපතල තුවාල ලැබූවන් සඳහා ලක්ෂ 2 ක් සහ රු. සුළු තුවාල ලැබූවන්ට රුපියල් 50,000ක් ලබා දෙන බව දුම්රිය අමාත්‍යාංශය ප්‍රකාශයට පත් කර ඇත. අගමැති මෝදි මේ වනවිට අනතුර සිදු වූ ස්ථානය නිරීක්ෂණය කිරීම සඳහා එහි ගොස් ඇති බව ඉන්දීය අග්‍රාමාත්‍ය කාර්යාලය පවසනවා.
