පොහොට්ටුවේ අපේක්ෂක නාමල් රාජපක්ෂ, නිල නිවේදනය එයි

2024 ජනාධිපතිවරණය සඳහා ශ්‍රී ලංකා පොදුජන පෙරමුණ විසින් සිය අපේක්ෂකයා වශයෙන් එම පක්ෂයේ ජාතික සංවිධායක නාමල් රාජපක්ෂ රාජපක්ෂ ඉදිරිපත් කරන බව නිල වශයෙන් නිවේදනය කළේය. ඒ අගෝස්තු 07 දින පෙරවරුවේ එම පක්ෂ මූලස්ථානයේ පැවති විශේෂ උත්සවයක් අතරතුරයි.

හිටපු ජනාධිපති මහින්ද රාජපක්ෂගේ ප්‍රධානත්වයෙන් පැවති එම රැස්වීමේ දී එම පක්ෂයේ මහලේකම්, නීතිඥ සාගර කාරියවසම් විසින් එම තීරණය නිල වශයෙන් නිවේදනය කළේය.

1986 අප්‍රේල් 10 දින උපත ලැබූ නාමල් රාජපක්ෂ මේ වනවිට 38 වැනි වියේ පසුවනවා. ඒ අනුව, ජනාධිපතිවරණය සඳහා මෙතෙක් ඉදිරිපත් වූ ලාබාලතම අපේක්ෂකයා ලෙස නාමල් රාජපක්ෂ වාර්තා අතරට එක්ව සිටිනවා.