1,2,3 වැඩක් නෑ, කෙලින්ම ගහන්න කතිරය – අනුරගෙන් ප්‍රබල කතාවක්
ජනතාව දැන් සූදානම්ව සිටින්නේ කෙළින්ම මාලිමාවට කතිරය ගැසීමට බව ජාතික ජනබලවේගයේ ජනාධිපති අපේක්ෂක අනුර කුමාර දිසානායක පවසනවා. සැප්තැම්බර් 08 දින පැවති අන්තර් සමාගම් සේවක සමුළුව අමතමින් ඔහු ඒ බව පවසා සිටියා.
මේ වනවිට රනිල් වික්‍රමසිංහ පවසන්නේ සජිත්ට දෙන ඡන්දය අනුරට දෙන ඡන්දයක් වැනි බවත්, සජිත් ප්‍රේමදාස පවසන්නේ රනිල්ට දෙන ඡන්දය අනුරට දෙන ඡන්දයක් බවත් යැයි ද නමුත් ජනතාව කිසිලෙසක ඒ ආකාරයෙන් වෙනත් අය හරහා තමන්ට ඡන්දය නොදෙන බවත්, කෙළින්ම මාලිමාව ඉදිරියේ කතිරය සළකුණු කර තමන්ව ජයග්‍රහණය කරවන බවත් අනුර කුමාර දිසානායක අවධාරණය කළේය.
එසේම, ඡන්දය සළකුණු කිරීමේ දී 1,2,3 මනාප කතා වැඩක් නැති බවත්, ඡන්ද පත්‍රිකාවේ 16 වෙනියට නම සඳහන් වන බවත්, එහි මාලිමාව ඉදිරියේ කෙළින්ම කතිරය පමණක් සළකුණු කරන ලෙසත් අනුර කුමාර දිසානායක පැමිණ සිටි ජනතාව අමතමින් පවසා සිටියේය.
