කොතලාවල සිසුන් ඇතුළු 41ක් රැගත් බස් රථයක් මාරක අනතුරක, සිසුවියන් දෙදෙනෙකු මියයයි, 6ක් දැඩි සත්කාරයේ
බදුල්ල දුන්හිඳ මාර්ගයේ සිදුවූ බස්රථ අනතුරින් කොතලාවල ආරක්ෂක සරසවියේ සිසුවියන් තිදෙනෙක් මියගොස් තිබෙනවා. සිද්ධියෙන් මියගොස් ඇත්තේ ශ්‍රීමත් ජෝන් කොතලාවල විශ්වවිද්‍යාලයේ දක්ෂිණ මණ්ඩපයේ ප්‍රමාණ සමීක්ෂණ අධ්‍යයන අංශයේ සිසුවියන් දෙදෙනෙකු වන අතර තවත් සිසුන් ඇතුළු 06 දෙනෙකු බදුල්ල රෝහලේ දැඩි සත්කාර ඒකකයට ඇතුළත් කර තිබෙනවා..
ශ්‍රීමත් ජෝන් කොතලාවල විශ්වවිද්‍යාලයේ දක්ෂිණ මණ්ඩපයේ සිසුන් ඇතුළු 41 දෙනෙකු බස් රථයේ ගමන් කර ඇති අතර ක්ෂේත්‍ර චාරිකාවක් සඳහා යමින් සිටිය දී අනතුර සිදුව ඇති බව ද වාර්තා වේ. බදුල්ල දුන්හිඳ 4 කණුව ආසන්නයේ දී මෙම අනතුර සිදුව තිබෙනවා.
