රනිල් ගෑස් සිලින්ඩරයෙන්, ෆොන්සේකා ලන්තෑරුමෙන්, රොෂාන් ක්‍රිකට් පිත්තෙන්
2024 ජනාධිපතිවරණය සඳහා ඉදිරිපත් වූ ස්වාධීන අපේක්ෂකයින් වෙනුවෙන් ඡන්ද ලකුණු ලබා දීමට මැතිවරණ කොමිෂන් සභාව පියවර ගෙන තිබෙනවා. ඒ අනුව, අදාළ අපේක්ෂකයින්ගේ ලැයිස්තුව සහ ඡන්ද ලකුණු ඉදිරියේ දී ප්‍රකාශයට පත් කිරීමට නියමිත බව මැතිවරණ කොමිසම අගෝස්තු 15 දින සඳහන් කළා.
මේ අතර ස්වාධීන අපේක්ෂකයින් ලෙස ඉදිරිපත් වී සිටින ජනාධිපති රනිල් වික්‍රමසිංහ ගෑස් සිලින්ඩරය ලකුණින් ද, පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා ලන්තෑරුම ලකුණින් ද, පාර්ලිමේන්තු මන්ත්‍රී රොෂාන් රණසිංහ ක්‍රිකට් පිත්ත ලකුණින් ද මෙවර ජනාධිපතිවරණය සඳහා ඉදිරිපත් වන බව ඔවුන්ගේ ප්‍රකාශකයින් මාධ්‍ය වෙත සඳහන් කර සිටියා.
